Sascha
Kinabukasan ay nagising ako na masakit ang aking katawan lalo na ang aking mga paa at binti. Halos hindi ko ito maigalaw dahil pakiramdam ko kung igagalaw ko ito ngayon ay pakiramdam ko para itong mapuputol. Alam ko na ang dahilan nito ay ang habulan naming dalawa ni Keith kahapon dahil sobra ba namang luwang ng bahay niya na akala mo ay para siyang may sariling soccer field.
Umupo ako at hinimas-himas ko ang aking mga binti dahil nananakit talaga ang mga ito. Paglipas ng ilang minuto ay sinubukan ko na itong igalaw at natuwa naman ako na nawala ang sakit at pamamaga nito kahit papaano. Pagkatapos ay dahan-dahan akong naglakad palabas ng aking kwarto at pumanhik sa baba.
Pagdating ko roon ay nakita ko na wala pa si Keith pero nakahanda na ang kanyang mga pinggan sa kanyang l
