Sascha
Bago magising si Keith kinabukasan ay sinabi ko sa mga kasambahay na ako ang bahala na magluto ng kanyang almusal na kanilang ikinabigla noong una pero ngiti lang ang iginawad ko sa kanila. Pinabayaan naman nila ako sa kusina at agad kong itinali ang aking buhok sabay kumuha ng aking mga lulutuin sa mismong ref at saka isinalang na ang kawali upang uminit ito. Sa isang buwan kong kasama si Keith ay napansin ko na mahilig siyang kumain pero napapansin ko na napaparami ang kanyang pagkain tuwing may sabaw ang kanyang ulam.
Kaya naman naisipan ko na magluto ng sinigang na baboy. Isa pa hindi ko rin alam kung bakit hindi siya tumataba kahit ang dami ng kinakain niya. Super fit din ng kanyang katawan kaya hindi ko alam kung paano niya napapanatili ang gano’ng katawan niya na may mg
