Sascha
Warning: Medium SPG
Lumipas ang ilang oras ay natapos na rin kami sa wakas at nang sinabi niya na pwede na akong gumalaw ay parang na-lock ang aking mga joints dahil halos hindi ko na maigalaw ang aking mga paa at kamay. Agad kong kinuha ang kumot ni Keith at saka mabilis na itinakip ito sa aking katawan para kahit papaano ay matakpan ako. Hinipan ni Keith ang kanyang ginuhit at saka nag-inat-inat din siya dahil ilang oras din siyang gumuhit.
“Dapat maganda ako riyan sa drawing mo ha? Ang tagal ko pa man ding nakaupo kaya bibigwasan talaga kita kapag hindi ako maganda riyan.” Napangiti siya at naglakad palapit sa akin sabay ibinagay sa akin ang kanyang gawa.
“Tss. Parang wala ka namang tiwala sa gawa ko. O ayan pagmasdan mo ang sarili mo ng wala ka nang sinasabi pa.” Napasima
