Sascha
Kinabukasan ay maaga akong nagising at nakita kong natulugan ko nanaman ang nakabukas kong laptop dahil sa kahahanap ko tungkol sa ibang impormasyon tungkol sa The Chrysos. Masakit nanaman ang aking katawan dahil iisang posisyon nanaman ng pagtulog ang aking ginawa. Bumangon ako sa aking kama at gano’n na lang ang aray ko nang makaramdam nanaman ako ng paninigas ng aking mga muscles.
Akmang kukunin ko ang aking mat nang maalala ko nanaman ang lalaking iyon. Pagtingin ko sa orasan ay nakita kong alas-siyete pa lang ng umaga kaya sigurado akong gising na iyon. Maluwang naman itong kwarto ko kaya naisipan ko na rito na lamang ako mag-yoga.
Total ay walang makakakita sa akin dito at hindi pa ako maiistorbo ng manyak na lalaking iyon. Nagsimula akong mag-ehersisyo hanggang sa mag
