THIRD PERSON'S POV
Isang linggo na ang nakalilipas mula nang huling makita ni Aello si Psikh sa mansyon. Isang linggo naring ginugulo ang isip niya ng salitang narinig niya mula sa mga labi ni Psikh nang gabing iyon.
Nagtagal pa si Aello nang sampung mga minuto at nakinig sa usapan ng tatlo bago siya umalis. At sa sampung minuto na 'yon ay marami siyang nalaman na mas lalo namang nagpagulo sa isip niya.
Una na 'ron na Mafia ang tatlong naguusap-usap noon sa salas. Pati na rin ang pugot na ulo ng lalaking hinagis ni Sebastian sa sahig. Nalaman din ni Aello na Yakov ang pangalan ng lalaking hindi pamilyar sa kaniya, at tulad ni Sebastian ay mukhang nagtatrabaho rin ito para kay Psikh dahil 'boss' ang tawag nila sa lalaki.
Hindi pa gaanong naiintindihan ni Aello ang salitang mafia, pe
