THIRD PERSON'S POV
"U-Ugh." mahinang daing ni Aello nang magising siya't bumangon mula sa pagkakahiga sa kama niya.
Napahawak siya sa tagilirin niyang labis ang pagkirot dahil sa bugbog na laman.
Ilang araw na siyang minamaltrato ng mga maid sa loob ng mansyon. Bawat kilos na ginagawa niya ay nakakatanggap niya ng malalakas na sampal, suntok o sipa man kahit wala naman siyang ginagawa. Dumating na rin sa punto na halos hindi na siya pinapakain ng mga ito. Papagurin siya sa gawaing bahay, pagkatapos ay hindi siya pakakain.
Lumala ang hirap na nararanasan niya lalo na nang makabalik na ang maid na na-hospital. Grabe ang galit nito't nagawa pa siyang hampasin ng kaldero sa ulo na naging dahilan ng malaking hiwa na mayroon sa noo niya ngayon. Pero hindi ito nakikita dahil sa buhok niyan
