Kabanata 20
Venomous Gaze
Nahawi ang manager at ang kasama nitong bodyguard kaya nagkaroon ng espasyo sa pagitan ng dalawa na naging daan para malathala sa aking paningin ang bulto ni Attorney Jadraque. Lumabas ako mula sa likod ni Harris at kumislap ang aking mga mata.
Parang lumundag din sa galak ang puso ko nang magtama ang aming paningin. Nakasuot siya ng navy pants na tila denim tapos classic short sleeves polo ang pang-itaas. Takaw-pansin ang suot niyang relong pambisig na sa unang tingin ay tila simple ngunit batid kong hindi biro ang halaga. Lace to toe sneakers ang kanyang sapatos na cognac ang kulay. His outfit has clearly a cool flare. Tone on tone.
Ang linis ng kanyang dating ngunit kapag nasa mukha niya na ang iyong paningin ay siya iyong tipong hindi mo gugustuhing birui
