Nagising si Sophie kinabukasan mula sa liwanag na nagmumula sa bintana ng suite. Maingat siyang nagmulat ng mata.
"Goodmorning!" anang boses sa may receiving area. Napaigtad siya sa gulat at mabilis na bumaling doon.
Napanganga siya nang makita niya ang masayang bulto ni Tyrone na nakatayo roon habang hawak ang isang boquet ng makukulay na bulaklak.
Napakurap-kurap siya. Naguguluhan niyang ipinagala ang mata sa loob ng silid.
Rob is nowhere on sight. Umalis na ba ito? Sandali siyang nanlumo.
Kung sabagay, umaga na. Kailangan nitong pumasok sa opisina.
Agad siyang napabalikwas. Awtomatiko siyang napaaray at napahawak sa braso niya.
"Careful, sweetheart," ani Tyrone. Mabilis itong lumapit at inalalayan siya sa pag-upo. Nanatili itong nakatayo sa kanang bahagi ng hospital bed pagkatapo
