Puting kisame ang unang sumalubong sa aking paningin pagkamulat ko pa lang. Marahan akong bumangon at gano'n na lang ang gulat ko nang mapansing nasa loob ako ng isang kuwartong hindi pamilyar sa akin.
Nasaan ako?
Pinilit kong inalala ang nangyari kanina. My eyes went wide. Ang huling naalala ko ay pauwi ako ng bahay galing sa airport, then someone grabbed me from behind. Tinakpan ang ilong ko kaya nawalan ako ng malay.
Kumalabog ang dibdib ko.
Kailangan kong tumakas dito. Kailangan kong umuwi.
Inilibot ko ang aking paningin. Wala namang kakaiba sa loob ng kuwarto.
May pinto sa isang sulok. Agad kong tinungo at binuksan iyon ngunit nanlumo ako nang makitang banyo pala iyon. May maliit na bintana sa taas pero may rehas na bakal. Hindi rin ako magkakasya roon kahit mabuksan ko pa.
L
