Nakangiting sinipat ng dalaga ang kanyang sarili sa whole body na salamin. Naglagay siya ng kaunting liptint sa maputlang labi. Umikot-ikot pa siya habang inaayos ang basang buhok.
"Freya, narito na si Aleigh," wika ng kanyang ina na mabilis niyang ikinatayo sa pagkakaupo.
"Lalabas na po!" tugon niyang mabilis hinila ang passport sa lalagyan nito.
Nakangiti niyang inilagay iyon sa sling bag kasama ng kanyang wallet at cellphone. Naisip niya ng nagdaang gabi na makipagkita kay Julian, ngayong araw pagkatapos ng lakad nila.
"Hey Freya?" marahang katok ni Aleigh sa pintuan, binuksan niya iyon. Ang Nakangiting mukha ng pinsan ang bumungad sa kanya. "Bakit ang tagal mo ha?"
"Teka lang naman, tapos na." nagmamadaling sambit ng dalagang hinila mula sa ilalim ng kama ang sandals na paborito n
