Kinakabahang sumilip si Freya sa maliit na siwang ng pintuan ng banyo. Nakahawak siya nang mahigpit sa tuwalyang nakabalot sa kanyang hubad na katawan. Nakalimutan niyang magdala ng pampalit na damit. Nasulyapan niya si Julian na nakaupo sa gilid ng kama. Nasa kandungan nito ang kanyang laptop.
Kagat-labi niyang muling isinira ang pintuan ng banyo. Pinihit ang seradura upang tuluyan itong mag-locked. Abot-abot ang kanyang kaba na naupo sa bathtub.
"Sa lahat ng makakalimutan, bakit damit ko pa?" tanong niya na bahagyang kinastigo ang sarili sa pamamagitan ng pagpalo sa ulo.
Pagkaraan ng ilang sandali ay muli niyang marahang binuksan ang pintuan ng banyo. Sa pagsilip niya sa siwang ng pintuan ay nakita niyang lumingon si Julian. Mahina itong tumawa nang makita ang ginagawa niya.
"What a
