Malamig ang ihip ng hangin. Alas singko palang ng madaling araw. Inaantok na humikab si Freya habang nakasandal ang ulo sa isang balikat ni Julian. Nasa labas sila ng tahanan ni Lacim, hinihintay na dumating ang driver. Ihahatid sila nito sa airport.
"Matagal pa ba si Manong, Dude?" si Lacim na bahagyang ginulo ang basa pang buhok.
"Parating na," maikling tugon nito sa kanya.
"Wala pa tayong isang linggo dito." bulong ni Mico na ang mga mata ay nasa screen ng kanyang cellphone.
Sinulyapan ni Lacim si Freya na pumikit-pumikit na.
"Alalayan mo iyang girlfriend mo, Dude." turo niya dito habang natatawa. "Babagsak iyan, tingnan mo."
Agad inakbayan ni Julian si Freya na naiiling-iling dito. Tiningnan sila ni Mico, nag-aalala ang kanyang mukha.
"Ipinaalam mo ba iyan Dude sa Mama niya?" se
