Marahang tinapik ni Amorsolo ang balikat ng kanyang anak. Nais niya rin muna itong tumigil sa pagsasalita.
"Huwag niyo ng pag-awayan ang bagay na iyon," sambit pa ng ama, "Ang mahalaga ay buo na tayong muli."
Pagak na mapaklang tumawa si Freya, isinandal ang pagal na likod sa inuupuang sofa. Tiningnan niya ulit ang ama.
"Bakit ginalaw mo pa rin si Auntie Sioling?" pagbabalik nito sa paksang bahagya nang natabunan, "Magkaiba sila ng amoy ni Mama, magkaiba rin ng hubog ng katawan."
"Anak...it was a mistake--"
Mabilis siyang tumayo at pinutol ang sasabihin ng ama.
"Nandoon na tayo, pero bakit itinuloy mo pa rin?!"
Saglit siyang tinitigan ng ama. Bumabangon na naman ang galit niya dito na bahagya nang humupa kanina.
"Freya..." hawak ng kanyang ina sa isang kamay niya, pilit siya nitong
