Matapos magpasalamat sa driver ng taxi ay sinakbat ni Freya ang kanyang backpack. Hinila niya rin ang maleta. Tahimik silang mag-ina na tinahak ang makipot na eskinita.
"Freya...'nak..."
Tumigil sa paghakbang ang dalaga, nilingon niya ang ina.
"Bakit po Mama?"
Ngumiti sa kanya ang Ginang, nanantiya ang mga mata.
"Ako na ang magdadala niyang maleta mo." turo niya sa maleta na kanyang marahang hinihila.
"Hindi naman po mabigat Mama," tanggi niya sa ina, may kung ano siyang nakikita sa mga mata nito.
"Sige na anak, ako na." pilit pa rin sa kanya ng Ginang, "Malayo ang naging biyahe mo, pagod ka na."
Maliit siyang ngumiti habang tinititigan ito. Ilang saglit pa ay kusa niya ng ibinigay dito ang kanyang dalang maleta. Nagpatuloy sila sa paghakbang, ilang minuto ang dumaan.
"Siya nga pa
