DK
Napamulagat ako sa sinabi niya. Maging siya ay nakita kong nagulat sa tanong niya.
Sheeyet! Ano ang isasagot ko?!
Kinakapos ako sa hangin habang nananatili siyang matiim na nakatitig sa akin. Alam kong pinag-aaralan niya ako.
"Aahrmp!" pilit kong hinahanap ang boses ko. Nablangko ako bigla.
Mas lalo pa siyang lumapit sa akin. Nagulat ako nang bigla niyang hinawakan ang palad kong sumalo sa suntok ng bully kanina at itinapat sa palad niya. Halos three-fourths lang ng palad niya ang nasakop ng palad ko.
Mas lalo akong natuliro. Ramdam ko ang init ng kanyang palad na nakalapat sa akin. Para bang may lumalabas dito na kuryente at lumilipat sa palad ko.
Nagkabuhol-buhol na ang hininga ko. Di ako makag-isip ng matino. Di ko maipaliwanag ang nararamdaman ko. Para akong natatae na ewa
