Ikalabing-anim na Kabanata Mahal na Hari Point of View: Clairn Novich Kuran Habang papunta sa palasyo ay natanaw ko ang paglabas ng mahal na reyna sa silid ng mahal na hari. Mukhang katatapos lang din nilang mag-usap. Nagawi ang tingin niya sa 'min kaya naman yumuko ako gaya ng lalaking kasama ko. Hindi ko tuloy alam kung ako ba ang tiningnan niya o itong kasama ko pero malakas ang kutob kong ako ang tinitingnan niya. Nang makaalis ang mahal na reyna ay saka lang kami nagpatuloy sa paglalakad. Muli pa akong lumingon sa likuran upang makita ang mahal na reyna ngunit wala na siya roon. Napangisi ako sa loob ko. Nang makaharap ko ang pinto ay dumoble ang bilis ng t***k ng puso ko. Para bang bigla akong napaatras sa laki ng double door na tila minamaliit ako. Pilit kong pinatatag ang sarili k
