Hindi na lang ako nagsalita dahil baka iba pa ang iisipin nila sa akin.
Nagpasalamat ako sa kanilang lahat dahil maganda ang kanilang pakikitungo sa isang buwan na pagtatrabaho ko rito bilang waitress. Nakalulungkot mang isipin, ngunit kailangang tanggapin.
Inaayos ko na lahat ng mga gamit ko at sabay-sabay na kaming lumabas subalit nandoon pa si Daniel, kausap si Sir Silver. Akala ko ay nakauwi na siya, kasama si Alena pero totoo nga ang sinabi ni Palmolive na magkausap ang mga ito kanina.
Ano kaya pinag-usapan nila? Ba't pangiti-ngiti lang si Sir Silver, samantalang ang seryoso ni Sir Bisugo? Nagpaalam na mga ka-trabaho ko sa akin na mauuna na sila kaya naiwan na akong kabadong mag-isa.
"Si Daniel na maghahatid sa 'yo, Ms. Cruz dahil iisa lang naman ang uuwihan ninyong dalawa. M
