Sigurado siyang narinig na niya ang pangalan na iyon. Hindi niya lamang maalala kung saan at kailan. Gulat na gulat ang babae habang nakatingin sa kanya. Pinasadahan pa siya nito ng tingin mula ulo hanggang paa na para bang sinisigurado nito ang katauhan niya.
Muling bumalik ang mata nito sa mukha niya kaya sinalubong niya ang tingin nito bago inilagay ang kanyang kamay sa ibabaw ng naka-upong si Zech Leon.
‘Back off, b***h!’
Nagsalubong ang kilay ng babae at tumalim ang tingin sa kanya. Base sa ekspresyon nitong iyon ay kilala siya nito. At hindi niya gusto ang reaksyon ng babae sa pagkakalapit niya kay Zeon. May gusto yata ito sa kanyang asawa.
“You have a beutifuli wife, Zeon,” wika ng matandang lalaki. Kung hindi lang matalas ang pakiramdam niya, hindi
