Arabela’s POV
Hindi na ako tumuloy sa mansyon na pinagdalhan sa ‘kin ng mga kapatid ni Matthew sa halip ay dito ako pinatira ni Kylie sa condo niya at nang nagpaalam siya sa daddy niya ay kaagad na ikinatuwa ito ng ama niya dahil may kasama raw ang unica hija niya sapagkat mag-isa lang si Kylie sa condo niya at wala siyang kasama kahit na kasambahay.
“Huwag ka na magluto, magpa-deliver na lang tayo,” saad niya sa akin at sumalampak ng upo sa sofa at binuksan ang malaking TV.
“Ayos lang Kylie tsaka bilang kabayaran sa pagpapatira mo sa akin hayaan mong pagsilbihan kita,” tugon ko kaya bigla siyang tumayo at nilapitan ako sabay na hinila patungo sa sofa.
“Ano ba ang tingin mo sa ‘kin katulad ni Violet? mag-kaibigan tayo Ara at walang bayad ang pagtira mo rito. Maupo ka r’yan at kumain
