Lanie's Pov:
"Hindi ba at nasabi ko na sa 'yong madami na akong nagamot na agents? Ang dami-dami na nila. As in sobrang dami!" Doctor Suarez chuckled. Sinusuri n'ya ang sugat ko sa tagiliran. "Pero sa lahat ng mga iyon, ikaw ang naiiba!"
Tiningnan ko lang s'ya.
"Biruin mo iyon, ilang araw kang nagpahinga dahil sa sugat na natamo mo doon sa halang ang kaluluwang nakalaban mo sa palayan. Tapos after those days ng pagpapahinga, may bago ka na namang sugat."
Apat na araw na mula nang makarating kami dito sa El Trinidad mula sa Madrid de Rio. Halos hindi ako nakabangon sa kama sa loob ng mga araw na nagdaan. Bugbog ang katawan ko at mabuti na lang na hindi ganoon kasama ang naging tama ko sa likod.
May ilang bali akong natamo pero hindi katulad ng inaakala kong sobrang pagkabali ng mga bu
