Lanie's Pov:
Sobra na ang pagdurugo ng tagiliran ko nang marating ko ang pintuan ng rooftop. Pinulot ko ang baril na nabitawan ng lalaking nakalaban ko kanina.
Kahit paano ay may ilang bala pa iyon. Nagtago ako sa likod ng pinto at sinilip ang grupo ni Leviste na nasa pinakagitnang bahagi ng rooftop.
Lahat sila ay nakatingala sa helicopter na nasa ere. Base sa nakikita ko ay malayo pa iyon at mabibigyan pa ako ng ilang minuto para mapigilan si Leviste.
Muling sinuri ko ang hawak na pistol. Lima ang balang mayroon iyon at kaiangan kong magamit iyon ng tama.
Muli kong sinilip ang rooftop. Apat ang nasa grupo ni Leviste. Ang dalawa sa kanila ay ang parehong kasama n'yang nakita ko nang gumapang ako sa kisame papunta sa penthouse. Hindi pamilyar sa akin ang isa pa pero mukhang lahat sil
