DIEGO
NAGULAT talaga siya nang malaman na asawa ni Asher si Bunny. Paano nangyari 'yon? Isa lang ang pumasok sa konklusyon niya. Marahil, may kasunduan ang dalawa kumbaga marriage for convenience kung tawagin. Napailing siya. Napapasubo na siya masyado.
Hindi niya akalain na sa dinami-dami ng babae sa mundo, si Bunny Smith pa ang naging kaibigan at asawa ng kambal niya. Mas mahihirapan siya sa gagawin niya pagpapanggap. Napatitig siya kay Bunny na kalmadong kumakain.
Alam niyang nagdududa na ito kaya naman kailangan na niya mag-ingat at galingan ang pag-akto bilang Asher. Napatingin siya kay Kiko na sarap na sarap sa kinakain. Kung mayroon man siya isang taong pinagkakatiwalaan ay si Kiko na 'yon. Kailangan niya rin pagsabihan ito na mag-ingat sa bibitawan na salita at baka mabuko sila
