"BAKIT kaya hindi pa lumalabas ng operating room si Dr. Chen?" Kinakabahan tuloy ako sa kalagayan ng Lolo mo." Bakas sa mukha ni Lola ang pag-aalala kay Lolo. Hindi ko naman masisi si Lola dahil isang delikadong operation ang ginawa kay Lolo. Tiwala na lang talaga kay Lolo at Isaac.
Hinawakan ko ang kamay ni Lola at marahan ko itong pinisil. Ngumiti ako nang tumingin siya sa akin. "Magtiwala na lang tayo sa Diyos," sabi ko.
Kahit ako ay nag-aalala rin para kay Lolo, pero hindi ko iyon pinapahalata kay Lola dahil makadagdag pa ito sa pag-aalala niya.
"Sana huwag siyang sumama sa liwanag. "
"Kakayanin 'yan ni Lolo. Malakas naman siya. May tiwala ako kay Lolo na hindi siya sasama sa liwanag."
Bumuntong-hininga si Lola at muling tumingin sa nakasaradong operating room. Isang oras pa ang l
