ILANG-BESES akong lumingon sa kinaroroonan ni Isaac at sa tuwing nagtatama ang mga mata namin ay pinandidilatan ko siya ng mga mata upang malaman niyang hindi ako natutuwa na makita siyang nakababad sa cellphone niya habang nakikipag-usap. Kung tatantiyahin ay halos isang oras na siyang mahigit na nakikipag-usap. Iniisip ko tuloy na babae ang kausap niya dahil sa itsura nito halos dumikit na sa tainga niya ang mga labi niya dahil sa lapad ng ngiti niya. Sa inis ko ay sinadya kong ihulog ang kawali para kunin ang atensyon ni Isaac. Nagtagumpay naman ako dahil lumingon siya sa kinaroroonan ko.
Lumapit ka rito. Deputah ka!
Akala ko ay lalapit siya sa akin ngunit tumingin lang siya sa akin ng ilang segundo saka muling bumalik sa pakikipag-usap sa phone.
Inis na inis ako sa ginawa niya kani
