Mabilis kong tinago sa likod ko ang cellphone, sumimple ng tingin sa kabilang bahagi ng river park kung na saan sina Alexa at Enzo na kababakasan din ng pagkahindik sa pagkakahuli sa'kin ni Yvon. Nang balikan ko ang huli ay matayog na ang tayo niya sa harap ko, kung tingnan niya ko ay mukhang wala siyang balak na palampasin 'to hangga't hindi ako nagpapaliwanag.
"Bakit si Alexa ang nasa most recent calls mo? Tinatanong kita, Calixta. Did she call you?" mariin niyang pag-uulit sa tanong, kumukulo ang tinig sa nagbabadyang pagsabog ng galit.
"Namalikmata ka lang, Yvon. Hindi Alexa 'yon kundi Alexis. Si Dr. Alexis Gamboa ay neurologist namin sa Highland Medicenter."
Naningkit ang mga mata niya, sa malalim na tinig ay nagsabi ng, "Alam ko kung anong nakita ko 'wag kang magsinungaling. Amin
