Hades Point of view
Pabagsak kong ibinaba ang maliit na baso sa aking lamesa pagkatapos kong ubusin ang laman nitong alak. Tatlong araw ang mabilis na lumipas ay hindi ko pa rin nakikita si Steffany, para na akong masisiraan ng bait dahil sa kakahanap sa kanya, halos napapabayaan ko na ang aking sarili. Nararamdaman ko na may taong nagtatago kay Steffany at iyon ang kailangan kong alamin.
Walang kilala kaibigan si Steffany at wala rin siyang ibang matatakbuhan kaya napakaimposible na hindi ko ito matagpuan.
Ibinaling ko ang aking atensyon mula sa glass wall at pinanood ang paglalaban ng dalawang manlalaro na nasa gitna ng ring. Kasalukuyan akong nandito ngayon sa aking opisina sa underground, ipinagpaliban ko muna ngayong araw ang paghahanap kay Steffany at ipinagkatiwala ito sa aking
