Natulos ako sa aking kinatatayuan ng marinig ko ang isang malakas na putok ng baril.
Ang marahas na pagbuga ng aking hininga ay sumasabay sa malakas na pagkabog ng dibdib ko. Halos pigil ko na ang aking hininga at tanging pintig ng puso ko lang ang nangingibabaw ng mga sandaling ito.
“Subukan mong tumakbo at sisiguraduhin ko na mamamatay ang lalaking ito, you know me, Steffany!” Mariin ngunit seryosong saad ni kuya Hades, ramdam ko sa tinig nito ang matinding panganib para sa kaligtasan ng aking kaibigan.
Nagsimula ng manginig ang buong katawan ko at binalot ng matinding takot ang puso ko, halos butil-butil na pawis ang lumalabas sa aking noo dahil sa matinding tensyon na nararamdaman ko.
“Come here, Princess.” Makapangyarihan niyang utos sa akin habang nakalahad ang isang kamay nito s
