“MAY yosi ka ba diyan pre?” Paglapit ni Gary sa kasamahang nakabantay sa bukana ng gusali o kampo nila. Silang dalawa ni Reynan ang naatasang magbantay ngayong gabi. Inabutan naman kaagad siya ni Reynan ng kaha kaya naman kumuha siya roon at nakisindi sa subo-subo nitong yosi.
“Mukhang tiba-tiba tayo nito. ‘Yung batang nakuha natin, halatang mayaman,” Kapagkuwan ay litanya ni Reynan nang muli siyang tumayo sa pwesto kanina.
Napangisi siya, “Babalatuhin naman siguro tayo ni Boss, ano? Kasama tayo sa nandukot kanina,”
Tumango si Reynan nang mapansin niya ang pagkunot ng noo nito, “Iyong batang lalaki. Parang may kakaiba sakaniya.”
Inalala naman ni Gary ang itsura nu’ng batang lalaki. Napansin niya rin ang pagkaputla at pagkalamig ng balat nito pero tingin niya ay normal lang iyon dah
