NAKABABA lang ang tingin ni Anna habang nakaupo sa tabi ni Mich pero ang katawan niya ay nakaharap rito. Nasa sala na sila ng condo nito at nakaupo sila sa mahabang sofa. Habang si Cai naman ay nandoon sa may balkonahe at nakaharap sa tanawin, tila hinahayaan lang silang dalawa ni Mich. Hindi pa rin niya alam ang sasabihin kaya naman wala pa rin siyang naumpisahan kahit na pinapasok na sila ni Mich sa loob.
Hanggang sa marinig niya ang malalim na pagbuntong-hininga ni Mich kaya’t napaangat na siya ng tingin sa mukha nito. Kaagad na nagtama ang paningin nila dahil masamang nakatitig sakaniya ito.
“You lied—
“No, let me explain—
“Ano pang i-eexplain mo, Anna? Galing ako sa mansion niyo at sinabi lang ng Papa mo na hindi ka na babalik do’n! Naghinala ako na nag-asawa ka nga pero pabiro
