Hindi ako nagsalita. Naisip ko rin na baka kasabwat ang lalaking ito ni Madam Cinna. Gusto nilang pahirapan ang mga kapatid ko upang makuha ang yaman. Ang sabi nila ay halos lahat ng tao sa Isla Baling-Baling ay galit sa kanila. So, ang ibig sabihin lang noon ay hawak ng bruhang babaeng ‘yon ang lugar na 'yon. Tapos sila lang ang dinala sa lugar na 'yon? Mukhang pinagplanuhan nila ng husto.
Sinamantala nila ang pagkakataon na bumaha sa Sta. Almanya upang madala ang mga kapatid ko sa malayong Isla at gawin nila ang gusto. Upang hindi ko makita. At balak nilang gamitin ang aking kapatid laban sa akin para mapapirma ako.
Muli akong tumingin kay Mowen. Mahigpit kong hinawakan ang kamay nito.
“Simula ngayon ay wala ng mananakit sa inyo…” bulong ko rito. Agad naman itong nagpasalamat sa ak
