“Ate Max…” kabadong bulong sa akin ni Mowen. Dama ko rin na nanginginig ang katawan nito. Alam kong nagkaroon na ito ng trauma dahil sa mga nangyari rito.
“Relax…” sagot ko sa aking kapatid. Naramdaman ko rin ang paghigpit nang hawak nito sa akin. Marahan kong pinisil ang kamay ni Mowen upang pakalmahin ito.
“TUMABI ka sa daraanan namin kung gusto mo pang mabuhay!” mariing sabi ko sa lalaking nasa unahan namin. Ngunit dahan-dahan kong inilapit ang aking baril papunta sa katawan nito. Sinabi ko rin sa mga kapatid ko na takpan nila ang mga tainga nila at ipikit ang mga mata upang hindi makita ang aking gagawin sa lalaki. Hanggang sa dahan-dahan kong binitawan sandali ang mga kapatid ko para harapin ang halot. Walang salitang namutawi sa aking bibig at basta ko lang binaril ang leeg nito. S
