Mabilis akong napatingin sa matandang naiwan dito, lalo at hindi na rin nito itinuloy ang balak sabihin sa akin na mangyayari. Nagtaka rin ako kung bakit nagpaiwan ito. Wala ba siyang pamilya? Ngunit agad pa rin akong lumapit dito. Mahigpit kong hinawakan ang kamay nito at hindi ako nandiri rito kahit sobrang dumi noon.
“Lola, ano pong unos ang sinasabi mo?” tanong ko sa matanda habang nakakunot ang noo.
“Basta may unos na paparating sa lugar na ito kaya. mag-iingat ka, babae…” Hinawakan pa nga nito ang aking kamay nang mahigpit.
Nagtataka tuloy ako sa mga pinagsasabi nito. Hanggang sa bitawan naman ka agad nito ang aking kamay.
“Sumunod ka sa akin at may ipapakita ako sa ‘yo, babae…” Litong-lito naman ako sa tamanda. Ngunit sumunod pa rin ako rito. Napansin kong papunta kami sa gitn
