Muli kaming nagtinginan ni Attorney Reah. Magkakasunod din akong napalunok ng ilang beses. Hanggang sa nagsenyas sa akin si Attorney Reah na lumipat ako sa back seat ng kotse para magtago.
Mabilis naman akong kumilos at basta na lang humakbang sa may upuan at agad na sumiksik sa back seat. Halos humiga nga ako rito sa sasahig ng kotse ni Attorney Reah. Hinawakan ko ang aking dibdib at dinig na dinig ko ang malakas na kabog. Mariin ko ring ipinikit ang aking mga mata. Lalo na nang buksan na nga ni Attorney Reah ang bintana ng sasakyan upang kausap ang lalaking hambog.
“Oh! Mr. Mortel, hinihintay ko siya. Baka parating na rin si Ms. Espinosa. Susunod na lang kami sa opisina mo…” anas ng babae.
“Okay,” maikling sagot ni Waxwell. Nakahinga ako ng maluwag nang tuluyan umalis sa harap ng bin
