Agad akong sumakay ng taxi nang makalabas ako ng malaking gate. Ngunit panay ang pagngiti ko pa rin dahil tuwang-tuwa talaga ako. Sa wakas nakagantin rin ako sa
hambog na ‘yon kahit papaano. Ngunit alam kong malalagot ako rito oras na makita ako.
“Ma’am, tayo po taya ang sinusundan ng kotse na nasa likuran natin,” anas ng driver sa akin. Mabilis tuloy akong lumingon sa likuran at doon ko nga nakita ang kotse ni Hambog. Sinundan pa rin talaga niya ako. Baliw ba siya? Side mirror lang ang sinira ko, ah? Mukhang balak pa yata nitong pabayaran sa akin ang side mirror.
“Manong, paki-ligaw mo siya, hanggang sa hindi niya tayo mahanap. Ex-boyfriend ko kasi siya, ang gusto niya ay makipagbalikan ako sa kanya, eh, ayaw ko na dahil masyado siyang seloso. Huwag kang mag-alala at magbabayad ako ng
