MATULING nagdaan ang apat na buwan at sa pamamalagi ko sa bahay ni lola Mona. Wala naman akong masabi sa matanda kundi sobrang bait nito sa akin at talagang binibigay nito sa akin ang lahat ng mga gusto ko. Ako na lang ang nahihiya rito. Ngunit kung tatanggi naman ako ay magtatampo ito sa akin.
Ang isang problema ko lang ay ang apo nito na palaging high blood sa akin at para bang naglilihi kapag nakikita ako. Ang isa pang nakakainis sa lalaking ‘yun kapag wala ang lola Mona ay palagi akong inuutusan nito. Ang katuwiran ng lalaki ay dapat lang daw akong sumunod sa kanya dahil pinag-aaral ako ng lola niya at hindi raw ako reyna sa bahay na ito. Kaya no choice ako kundi sundin sa mga pinag-uutos niya sa akin.
Ang isa pang kinagagalit ko rito ay kung ano-ano ang mga pinagsasabi sa akin at
