DALA ANG ISANG tray na may lamang dalawang baso ng orange juice at sandwich, nilapitan ni Melannie ang maglola na kasalukuyang nasa swimming pool area habang abala sa pagkukuwentuhan.
Marahang ipinatong ni Melannie ang mga laman ng tray sa lamesa at nang akmang babalik na siya sa loob nang bigla siyang pigilan ni Madame Constance.
"Stay here, Melannie," anito na ikinaharap niya rito.
"Ay, hindi na po. May tatrabahuhin pa po kasi ako sa loob, Madame Constance," tanggi ni Melannie sa matanda.
Natatawa itong umiling kapagkuwan ay tumayo mula sa kinauupuan at lumapit sa kaniya. Kinuha nito sa mga kamay niya ang hawak niyang tray saka hinila siya patungo sa bakanteng upuan na nasa tabi ng kaniyang amo. Walang nagawa si Melannie nang paupuin siya nito roon.
"It can wait, hija," wika ng
