"ANO BANG TRIP ng amo ko? Hindi na nga niya kinain iyong niluto ko kagabi, tapos pati ba naman itong ginawa kong almusal, hindi niya rin kakainin? Tiningnan lang niya…" naiinis na maktol ni Melannie sa sarili habang nililinis ang lamesa kung saan niya inihain ang magiging almusal sana ng amo niya.
Ang aga-aga, napakasungit. Nagtungo ito sa kusina at sinabihan siyang huwag kalimutang pakainin ang mga alaga nito. Tapos nang inaya na niya ito para mag-almusal, tiningnan lang nito ng halos isang minuto ang mga nasa hapag bago wala ni isang salita na tumalikod.
Naiimbyerna si Melannie sa hindi niya malamang dahilan. Nababaitan siya rito nitong mga nakalipas na araw, pero ngayon, naiinis na siya rito. Mas maigi pa yatang huwag na lang siyang magluto dahil baka kumakain na ito sa restaurant ba
