Wala akong imik na nakasakay sa sasakyan ni Mykolas habang binabagtas namin ang daan tungo sa USI. Nagpresinta siya sa ihahatid ako, at hindi ko iyon tinanggihan dahil nagmamadali rin ako.
Hindi siya umalis kagabi kahit na anong taboy ang gawin ko sa kanya. Wala rin kaming ginawa sa banyo bukod sa naligo sa magkahiwalay na parte. Siya, sa shower room. Ako, sa bathtub. Mayroon rin siyang tinawagan na tauhan niya para hatiran siya ng damit doon.
Hindi siya nangahas na hawakan ako na siyang ipinagpapasalamat ko dahil alam ko na bibigay ako kung sakali. Gano'n ka-traydor ang katawan ko.
"I have ordered someone to install security cameras in your apartment later."
Kumunot ang noo ko at mabilis kong nilingon ang lalaking nagmamaneho.
"Why?" Takang tanong ko. "So you can watch on me?" Nginiw
