Hindi ko alam kung bakit nasabi iyon ni Manong Abel sa akin kanina. Gaano ba siya kasigurado na safe ako kay Mykolas? Eh, siya nga mismo ang sa tingin ko na panganib sa buhay ko.
Wala ba siyang ideya sa pamumuwersa sa akin ng amo niya? Sa mga pananakot niya? Hindi ba siya nagtatanong kung bakit pinapasundo ng gobernador ang isang eighteen years old na babae sa kanya? Hindi ba siya nagtataka kung bakit dinala niya ako no'n sa isang clinic? Kung bakit ako nando'n sa penthouse niya noong inihatid niya ako sa apartment?
Dapat pala ay itinanong ko sa kanya ang mga bagay na iyon. Baka sakaling maging talkative siya bigla.
Pero hindi ang mga 'yon ang dapat kong patuonan ng pansin sa ngayon. May mayroong mas importante sa mga 'yon ngayon.
Tinambol ko ang mga daliri ko sa armrest ng sofa habang
