Malaki ang pasasalamat ko na ganito ang mga napili kong isuot ngayong gabing ito. Hindi ako nahihirapan sa pagtakbo sa loob ng kakahuyan para lang humanap ng komportableng matataguan.
Subalit hindi ko alam kung kanino ako matatakot sa ngayon. Kay Mykolas ba o dito sa lugar? Kinakabahan ako na baka mayroong mabangis na hayop o kaya ay ahas o isang malaking gagamba rito.
Ayoko na ring suungin ang buong kakahuyan dahil baka mapalayo na ako nang todo at hindi ko na alam kung saan ako lalabas. O baka mayroong kriminal na nakatira at nagtatago rito.
Well, nakatatawa iyong naisip ko na yon. Kriminal -- brutal na kriminal nga ang tinataguan ko sa mga sandaling ito.
Ikinubli ko ang sarili ko sa katawan ng isang malaking puno. Inihilig ko ang likuran ko habang mabilis na humihinga dala ng pagod
