Malakas na kumabog ang dibdib ko sa sandaling mapansin ko ang paligid rito sa likuran ng club.
Maliwanag naman ang sinag ng buwan kaya malaya kong nakikita ang mga naglalakihang puno rito. At sa tuwing iihip ang hangin at tatama sa balat ko ay tumataas ang mga balahibo ko.
Hindi ko alam kung ano ang mayroon sa gabing ito ngunit kinakabahan ako. O baka dahil doon sa mga nalaman ko tungkol sa lalaking kasama ko ngayon? Hindi ko rin alam kung bakit dito niya ako dinala.
"Let's go back," pag-aaya ko saka na tumalikod.
Mabilis namang humawak sa braso ko si Mykolas bago pa man ako makahakbang.
"Let's stay here for a while," usal nito saka ako pinihit paharap sa kanya. "Ayaw mo ba akong tanungin sa mga bagay na gusto mo pang malaman tungkol sa akin?"
Sandali akong tumitig sa kanya. Hindi ko
