Hindi ko maintindihan kung bakit kailangan pa na magpunta ako dito sa kapitolyo, at kung bakit hinihintay ako ni Mykolas.
Wala naman kaming napag-usapan na magkikita kami ngayon, at wala rin siyang nabanggit na dito niya ako ipapadiretso sa tauhan niya.
Hindi ba siya natatakot? Siguradong maraming tao dito ngayon. Panigurado rin na may magtatanong sa akin kung ano ang gagawin ko dito. Sasabihin ko ba na kikitain ko ang gobernador? To think na wala naman akong appointment sa kanya?
May pag-aalinlangan akong bumaba ng sasakyan nang buksan ni Manong Abel ang pintuan sa may tabi ko.
"Ano po ba ang gagawin ko dito?" Kunot-noo kong tanong sa matanda nang makalabas ako.
Inayos ko ang buhok ko at isinukbit ang strap ng bag sa balikat ko. Naiinis na rin ako dahil kanina pa ako tanong nang tano
