"THANK you." nahihiyang wika ni Faith kay Xavier. Pero sa loob-loob niya ay kinikilig siya sa ginagawa nito. Bakit? Dahil pinagbabalat siya ng binata ng hipon at nilalagay nito iyon sa kanyang plato. She find his gesture extra sweet. Sa unang pagkakataon kasi ay ngayon lang iyon naranasan ni Faith. Si Xavier lang ang unang lalaking gumawa niyon para sa kanya.
At hindi din niya maintindihan ang binata kung bakit ginagawa nito iyon. Wala kasi sa personality ni Xavier ang gawin ang mga bagay na iyon. Kaya hindi din niya mapigilan ang sariling magtaka sa kakaibang kinikilos nito.
Hmm... Kailan ba nag-umpisa ang lahat ng iyon? Kailan ba nag-umpisa ang kakaibang kinikilos ni Xavier sa kanya? Ang pagbabago nito? Kung hindi siya nagkakamali ay nag-umpisa lahat ng iyon noong tinanong siya ng bi
