DANICA POV
MARUPOK talaga siya pagdating kay Micah. Sa isang halik lang pinagkanulo na siya ng sariling katawan. Ang bilis madarang ng katawan niya sa mga haplos at himas nito. Kaya nagpaubaya na lang siya nang dalhin siya nito sa isang VIP room sa loob ng Black Club.
Hindi niya rin kasi akalain na matatandaan pa siya nito noon. Halos dalawang taon na ang nakalipas buhat ng una silang magkatagpo rito mismo sa club. Hindi siya makapaniwala sa sinabi nito na hinahanap siya nito matagal na. Huminga siya nang malalim at matiim na tumunghay kay Micah.
Mukhang nagulat niya yata ito nang magtanong siya kung kasal na ba ito. Hindi siya nakilala ni Micah, kaya madaling naniniwala ito na ibang babae siya. Kaya nagsabi siya ng ibang pangalan. Well, pangalan pa rin naman niya ang binigay niya. Pero
