KINAGABIHAN nang araw ring iyon nagkayayaan ang mga kasamahan sa trabaho ni Lana na mag-bar. Noong umpisa ay ayaw niyang sumama. Aminin man kasi niya o hindi, maghapon ay laman ng isipan niya ang sinabi kanina ni Andrew na magkikita ulit sila. At kahit hindi siya magsalita, hindi rin naman niya maitatanggi sa sariling pinananabikan niya ang mga susunod pang posibleng maganap sa pagitan nila ng binata. Sa naisip ay mabilis na nag-init ang mukha ng dalaga.
"Sa susunod na araw babalik na tayo ng Maynila. Huwag kang killjoy, ikaw ang pinakabata sa grupo natin pero ikaw ang pinaka-tita kung umasta" sermon sa kanya ni Rodge palabas na sila ng conference hall.
Nagbuntong hininga si Lana. "Pagod lang kasi ako ate," pagdadahilan niya ang kahit paano ay totoo naman.
"Oo nga naman, saka saglit lan
