ALEA
Kanina pa ako kinakabahan. Pagkagising ko palang hindi na ako mapakali.
Today is my birthday kaya abala na sila Mama sa paghahanda. Nag-day off nga si Papa ngayon dapat kahapon siya walang pasok.
"Ate Alea! Sabi ni Mama kunin daw natin iyong pinagawa naming cake sa gintong kandado. Pick up kasi iyon, ate!" Napalingon ako ng magsalita si Terry.
"Ha?" Hindi ko kasi masyado narinig.
Naliligaw na naman ang isip ko.
"Kinakabahan ka ba, ate? Kasi p'wede ka na makulong?" Umiling ako kay Terry.
Ano ba naman itong iniisip ng kapatid ko. Makukulong agad?
"Ano nga sinasabi mo, Terry? May iniisip kasi ako..."
"Sabi ni Mama, ate, kunin daw natin iyong cake na pinagawa namin sa gintong kandado." Ulit nito sa akin.
"Ah, ganoon ba. Sige, magbibihis lang ako. Hintayin mo na lang ako s
