فصليه من صغري

بارت 13

عباس : ركضت على درر بعد مافقدت وعيها شلتها واني مخبوص واصيح لحوكلي تعالو بسرعه .. اخذوها مني حطوها ع النقاله ودخلوها للغرفه بقيت واكف بالباب والشباب بقو يم الشيخ ضاري ...انتضرت شويه وبعدها طلعت الممرضه كالت لاتخاف عليها شويه هبوط بالضغط ادخل يمها اذا تحب هي انشاالله دقايق وتصحى .... الحمد لله ياربي سهله على هاي ... دخلت يمها هي كانت نايمه ع السرير وشعرها مفتوح ومفرود يمها تقربت منها لزمت خصلات شعرها وبقيت اباوع عليها... اول شي خطر ابالي واني اباوع عليها وعلى هل الجمال هو ولج يمكن حبيتج واخذتي كَلبي...كَلبي وكَف وي طيحتج بالكَاع حسيت راح افاركَج ... بزونتي بهاي اللحظه هاي تمنيت يجي اليوم الي اسمعج تكولين عبيسان احبك .. هم تتوقعين يجي يوم وتحبيني يابنت الشيوخ .. استاهل انتي تحبيني ؟؟؟

درر : سمعت كل كلمه كَالها عباس وبين حزني وخوفي على بابا كانت اكو فرحه بكَلبي بكلامه وطريقه حجيه عن الحب بس بقيت مغمضه خفت افتح عيني ويسكت عن هل الكلام الحلو بس مااكدر اطول لازم اسأل عن بابا واطمن عليه

عباس : بقيت صافن عليها وقريب منها حسيتها تحركت ابتعدت عنها فتحت عليها .. تبسمت بوجهه حمدالله ع السلامه

درر : الله يسلمك ..عباس بابا شلونه اريد اروح اشوفه

عباس : زين الحمد لله بس انتي ارتاحي لان هي اصلا ممنوعه الزيارة عنه ..يعني اول وتالي متشوفي انتي ارتاحي شويه لان ضغطج نازل

درر : عباس والله مابيه شي صرت احسن خليني اروح حتى لو بس اوكف يم الباب واسمع دكات كَلبه

عباس : ماشي اخليج تروحين بس بشروطي

درر : موافقه قبل لااعرف شنو

عباس : يابويه لعد خل اشرط براحتي ههههههه . . . لا بعيد عن الشقه راح اجيبلج اكل اكلي شويه يله تكومين لان راح تتعبين هنا ولازم تاكلين ماشي ..

درر : صار

عباس : اروحلها فدوة الي تسمع الكلام هسه دقايق وارجع ...نزلت للكافتريا جبت اكل وصعدت بس بزونتي اكلت شي قليل حيل

درر : عباس ترة اني مااعوف بابا ..يعني ماارجع وياك ??

عباس : نغزني كَلبي من كلامه من كالت ماارجع وياك اني كنت حاسب ابقى يمها وبليل اخذها وارجع بس تفاجئت من كلامها ... يعني شلون بعد مترجعين ويايه

درر : انته شايف حالة بابا شلون تتوقع اعوفه وارجع وياك

عباس : اعرف واني مكلت شي اني كنت حاسب نبقى اني وياج هنا وبليل نرجع لبيتنا وباجر الصبح هم اجيبج

درر : اعرف بيك متقصر بس انته هم عندك شغل ممعقوله تترك شغلك ونبقى هنا بالمستشفى

عباس : حسيت انقهرت منها .... لان لو محاسبتني غريب عنهم مكان بدت شغلي على وجودي يمها ... ماشي مثل متحبين براحتج ..

درر : عباس خل اروح يم بابا ..اخذني لهناك

عباس : يله رجنا ليم غرفه الشيخ وهي بقت واكفه ع الباب وتعاين عليه من الشباك لااكثر من ساعه وهي على وكفتها اصلا منتبهت لوجودي بالمكان حسيت روحي اهتنكت ماعاد اكدر ابقى بالمستشفى ... ندهت عليها درر درر .. التفت عليه

درر : ها

عباس : اني رايح محتاجه شي

درر : لا سلامتك ..وسامحنى على بقيتي يم بابا انته شايف الضروف

1

عباس : لا لا عادي اخذي راحتج; . .. ترخصت منهم وطلعت واني مختنك ... كان احساسي ان هي موبحاجتي ضوجني حيل .. تمنيتها تكول ابقى ويايه محتاجه وجودك يمي تمنتها تكول صيرلي سند ... بس لاسف هاي امنيات

رجعت للبيت ولااشغالي بقينا كم يوم على هاي الحاله اني بعيد وهي بالمستشفى اروح مرة وحده بالنهار ومااطول ساعه او اقل واطلع لان اني اروح اشوفها وهي مو يمي اصلا ونفس وكَفتها كَدام الباب ....

درر : بابا بقى كم يوم وهو ماكو اي حركه واني طول الوقت اباوع عليه خاف على لحظه واخسره هو الي اليه بهاي الدنيا مااتحمل يصير عليه شي عيوني كانت طول الوقت عليه سودة الدنيا بعيني وبقيت مو بحال احد ولااحجي ويا اي احد .. بس الحمد لله الدكتور يكول حاله بابا بدت تتحسن والحمد لله صحى وطلب يشوفني دخلت عليه ..لزمت ايده باباتي يااحلى شي بهل الدنيا ..اريد اشوف ضحكتك

الشيخ ضاري : درتي سامحني

درر :: اش اش بابا على شنو اسامحك ابد لاتكول هاي الكلمه بابا انته محور الحياة بالنسبه اليه تعرف يعني شنو يعني اموت اذا صار شي عليك

الشيخ ضاري : اسم الله عليج ياعيون ابوج انتي ... بس اني ظلمتج يوم كَطيتج هل الكطه

درر : بابا لااتعب روحك ترة والله اني مرتاحه حيل ويا عباس وهو زين ويايه وحتى هو كان هنا ويوميه يجي حتى يطمان عليك ... لااتعب روحك وتبقى تفكر ... بابا خلص وقت الزيارة لان انته تعبان ..باوع هناك ع الباب شوف هذا الشباك (لزمت ايد بابا واشرت على باب الغرفه والشباك الي كضيت ساعات واكَفه كَدامه ) بس حرك طرف عينك رح تلكاني هناك واكفه ...باوعت على بابا ابتسم وحسيته حيل مرتاح وفرحان عفته وطلعت وبقيت واكفه ع الباب وهو يباوع عليه

عباس : رحت للمستشفى ..حتى اطمان على ردد اول مدخلت شفتها واكفه نفس وكفتها الصراحه صرت اغار من ابوها ومن هذا الشباك الي لازمته .. ضجت حيل بس هي اول مشاف*ني جتى تركض عليه

10

درر : شفت عباس جاي من بعيد رحت ركضت عليه حسيت روحي مشتاقتله وفاكدته ... عباس بابا صحى وحجيت وياه والحمد لله صار احسن

عباس : الحمد لله الف حمد الله ع سلامته .. حسيت كَلبي وكف بمجرد مالزمت ايدي بايدها

درر : ب*عور لاارادي قربت ايدي ولزمت ايده وهمست انته شلونك اني اعرف مقصره وياك ....

عباس :( بصوت مخنوك ولهفه واشتياق ) هوايه مقصرة يادرر مكانج خالي

درر : ابتسمت ... انشاالله ارجع لمكاني بس خل تعدي كم يوم بعد ...

عباس : اصبر شسوي ماعندي غير حل مجبور اتحمل ... كانت بعدها الزيارة كلش قليله وشبه ممنوعه ع الشيخ وكفت ع الشباك الي كانت مكابلته بزونتي مع العلم حاقد عليه اكثر متتصورون واتمنى ا**رة ... سلمت ع الشيخ من بعيد حتى ارجع .... وبعدها صارت عندي ضروف وانشغلت حيل ..مكدرت اروح للمستشفى كنت دائما انتضر اتصال درر بس هي ماكو واني ماعندي رقمها بعد يومين رحت للمستشفى ملكيت احد سالت عليهم عرفت مطلعي للشيخ وماخذي للبيت من يومين .. اشتعلت بنار معقوله هيج اني مو مهم عدها اغيب يومين تمسحني من حياتها ولاكانما موجود ...اعصابي ثارت محبيت ارجع للبيت واني بهاي الحاله رحت للبستان وبديت اكطع بالشجر ذبيت قهري وحركتي كلها بالشجر واني اعصابي صايرة نار رغم كل مشاعري وحبي الها بهاي اللحظه احس كرهتها وتمنيت يمي حتى اعلمها شلون تحترم زلمتها ... بقيت بالبستان للغروب لحد ماهديت رجعت للبيت واني دشداشتي كلها وصخ وتراب تلكتي امي ... هايمه شنو هاي وين جنت .. انته مو جنت يم درر ليش هيج هدومك

5

عباس : اي درر ... عوفيني يمه عوفيني رحمه لااهلج رايح لغرفتي ولااحد يطب عليه والي يسأل عليه كولوله مهنا .. صعدت لغرفتي وبقيت افكر بيها هي ليش هيج اسوي ويايه اني حتى مأاذيتها بشي

درر : طلع بابا من المستشفى ورحنا للبيت واني بالي يم عباس مكدرت اكوله احنا طالعنا لان طلعتنا صارت ع السريع بعدها رحنا للبيت وهوسه انشغلت عنه شويه بس هم كل شويه انتبه على موبايلي انتضره يتصل بس ماكو استغربت من الموضوع

عباس : عدت عليه كم يوم واني على هاي الحاله عيني ع الموبايل واذني يم الباب انتضر منها خبر وبنفس الوقت غروري وكبريائي ميسمحلي اروحلها او اسال عليها وهي ممسويتلي اي قيمه وحتى مالي وجود بحياتها

درر : مليت من الانتضار معقوله عباس ميسال عليه .. رحت لاايهم .. ايهم بالي يم عباس شو من طلعه لا مر ولاحتى سأل

ايهم : والله مااعرف يجوز مشغول الرجال هو خطيه مقصر ويانا بالمستشفى انتي مكتيله احنا طالعين

درر : لا مصارت فرصه اكوله

ايهم : درر انتي شنو هل اللامبالاة الي عندج الرجال يوميه يجي للمستشفى انتي شلون متكوليله احنا طالعين ... لازم نتصل عليه فشله منه

درر : شلون نتصل عليه واني ماعندي رقمه

ايهم : عفيه ي المعدله .. خل اشوف ادهم بلكت عنده الرقم

درر: اوك انتضرك .. ايهم ايهم ممعقوله زوجه ادهم ماعدها الرقم .. اكيد عدها رقم اخوها

ايهم : هم صح .. همزين انتبهتي هنيالي ...

جبت الرقم مال عباس واتصلت عليه مرة مرتين وهو ميفتح خط

عباس : كنت نايم رن موبايلي باوعت شفت رقم غريب مالي خلك ارد .. مو مهم بعد ماخلصت الدكه انتبهت خرب يجوز هاي درر ... شلون مرديت عليها يعني انتبه شبيك .. رقم غريب اكيد .. رجعت اتصلت ع الرقم ... رد عليه شخص عرفني عن نفسه كال اني ايهم وتعذر مني لان مبلغوني عن طلعتهم اني اجاوزت الموضوع عادي وسويت نفسي ممهتم كتله عادي مصار شي المهم الشيخ هسه احسن ... سمعت صوت درر يمه حجت كالتله انطي اسلم عليه كَلبي دك بالدقيقه الف دكه من سمعت صوتها

درر : كنت متلهفه اسمع صوته اخذت الموبايل من ايهم وحجيت وياه سلمت عليه وطبعا من طولة ل**ني مااكدر مااعتب عليه مع العلم ادري اني مقصرة وياه .. كان رده كلش ثكيل عليه حسيت روحي شكد غلطانه بحقه بس معرفت شكوله ايهم عزمه ع العشا حاول يتعذر وكاله عندي شغل بس ايهم اصر عليه جاوبه اذا خلصت شغلي اجي ..اخذت الموبايل وبعدت شويه عن ايهم

عبيسان تعال مشتاقه اسمعك تكول بزونتي

عباس : لا ماكو داعي مو اله اجي سمعيها هسه بزونتي

درر : مو حلوة من تكولها واني اباوع عليك تطلع احلى ... عباس اني اعرف غلطانه بحقك وهوايه موشويه .. امانه اعذرني ولاتاخذ على خاطرك مني

عباس : انتي مو مقصرة اني مالي اي وجود بحياتج يله من رخصتج تعبان واريد انام شويه

درر : هي صارت عباس .... تريد تنام

عباس : يعني تعبان ماانام

درر : لا نام .. بس قبل لاتنام كولي تجي لو لا

عباس : الله كريم خل انام ومن اكعد يصير خير ... سديت التليفون ..ولج يا مااجي واني كَلبي مفرفح عليج مشتاق لطفولتج وخبالاتج ...مشتاق لكل كلمه تطلع منج . بلحظه وبكلمتين منها نسيت اهمالها واللا مبالاة مالها وحسيت لهفه بكَلبي اريد اطير عليها ... بقيت انتضر يخلص النهار وبلهفه احس الوقت صار شطوله وميمشي . .. ... صار المغرب لبست احلى لبس طبعا اني كشختي بدشداشتي وغترتي البيضه عطر وترتيبات .طلعت شاب انيق ?

وعكب كل الكشخه والتحضير ويطلعولي بشغله صفح ... صايرة مشكله بين اثنين اخوان وجايين الزلم حتى نحل المشكله ولكم هسه وكتكم واني انتضر يخلص النهار بطلعان الروح ..حاولت اطفر من الشغله ابويه كان مموجود واني بابطبيعي الي انوب بمكانه مكدرت اخلص من الموضوع وتورطت بحله المهم مشى الوقت وبسرعه اني النهار كله انتضره يمشي صار شطوله النهار هسه لان اريده يتاخر الساعه كامت المهم تاخرت على درر

وللقصه بقيه