"Pogi, kung mamamatay ba ako ngayon. Sasama ka ba sa akin?" wala lang, natanong ko lang naman. Bumabyahe kami ngayon patungong Alta Bara. Marami raw magagandang resort doon, kaya naman doon ko naisipang yayaing magbakasyon si pogi. Nagpaalam ako sa family ko, thru group chat nga lang. Tapos ang reply nila okay emoji lang. Mga boring sa buhay talaga.
"Diyos ko naman, Mace. Kung mamamatay ka ngayon bakit gusto mo pa akong isama? Single pa ako, wala pang sasalo sa lahi ko."
"Tama ka! Hindi pa rin pala ako dapat mamatay kasi wala pa ring sasalo sa lahi ko." Tumango-tango pa ako.
"Sa dami ng pwedeng mangyari, sa kamatayan mo pa talaga ako gustong isama. Tsk!"
"Saan pala? Sa lamayan? Hayaan mo, kung mag-crave si Ate Jas sa kape at tinapay sa lamay. Sasama tayong dalawa. Walang iwanan."
