THE CALL GIRL
BY: JOEMAR ANCHETA (PINAGPALA)
CHAPTER 26
Hindi nga siya nagkamali. Naging masaya siyang kasama si Nicole. Naging makabuluhan ang lahat. Nagkaroon siya ng mga iba pang kaibigan na kasama sa pagtataguyod sa karapatan ng mga distress OFW. Naging abala siya sa pagtulong. Wala na sa isip niya ang magdyowa. Sapat na may Nicole at iba pag tropa na matatakbuhan niya sa tuwing may pinagdadaanan siya. Siya man ay bukas din sa lahat ng nangangailangan. Hindi siya naging madamot kung may maibibigay din lang naman siya. Uunahin niyang tumulong kaysa ang magpahinga. Ang dahilan niya ay mas may nangangailangan sa tulong niya. Alam niya yung pakiramdam ng walang-wala. Kaya ng taong ibenta ang kanyang kaluluwa kung ito ay desperado na para sa pamilya. Minsan ay naibenta na rin naman niya
