CHAPTER 25
“Sige. Tanggap ko naman na ‘yon. Kung friends, okey lang ba?” Iyon na lang ang kaya ni Klein hingin kay Nicole. Iyon na lang ang sa tingin niya ay pwede sila.
“Friends? Oo naman. Di ba friends naman talaga tayo?”
“Salamat. Akala ko kasi matatapos na lang ang kontrata na wala akong makaibigan pa rito.”
“Sorry ha?”
“Bakit ka nagso-sorry?”
“Hindi ko kasi kayang ibigay ang gusto mo hindi dahil hindi kita gusto kundi dahil may masasaktan tayo.”
“Okey na yo’n. Nagpapakatotoo ka lang naman.”
“Hindi ko naman kasi kayang lokohin ka rin. Hindi ako kagaya ng mga kasama ko sa kwarto na kahit labag sa loob nilang makipagrelasyon o makipagtalik sa hindi nila gustong lalaki o may asawa na sa Pinas ay okey lang dahil sa pera. Hindi kasi ako gano’n pero kung kaibigan ang hanap mo, yung t
